3 سبوع - ترجم

هي الفكره ..
إن الندل مبيبقاش واخد باله إنه ندل ..
وإللي مش جدع بيبقى واهم نفسه إن إنت إللي متستهلش الجدعنه ..
واللي مش متحمل المسؤوليه بيبقى شايف إن الناس محملاه فوق طاقته ..
وإللي واكل حقوق شايف إن الناس طمعانه فيه ..
وإللي بيغير وعوده شايف إنك إنت إللي اضطريته ..

أسهل حاجه إنك تعيش ضحيه .. وتعمل شماعه لكل تقصير و مشكله و ذنب ..
أسهل حاجه نغير من المفاهيم والمسميات .. بنتوهم إننا كده هنرتاح ..
هو سهل ننكر الحقايق .. لكن ده مش هيغير من الحقيقه إللي موجوده جواك وفي سلوكك .. سواء شفتها أو رفضتها ..

التعامل مع الناس في الحاله دي .. الناس إللي مبتشوفش غير الشماعه و بس !
( لا ينفع معاهم مواجهه ولا منطق ولا إقناع و لا حوار )

الحل الوحيد هو .. سلاماً ..
(وَإِذَا خَاطَبَهُمُ الْجَاهِلُونَ قَالُوا سَلامًا)
الجاهل .. هو إللي بيجهل قوانين و معاني و أصول الأشياء ..

لازم نتأقلم على وجود ناس كتير هنقابلهم رافضين يشوفوا .. الدور عليك إنت تدرب على ( سلاماً ) ..

( فَإِنَّهَا لَا تَعْمَى الْأَبْصَارُ وَلَٰكِن تَعْمَى الْقُلُوبُ الَّتِي فِي الصُّدُورِ)